വികട വാര്ത്തകള്‍ 2

അഗ്നി 5 വിജയകരമായി പരീക്ഷിച്ചു പോലും.. ഏകദേശം 5000 കി.മീ വരെ ദൂരെ പോയി പണി കൊടുക്കാന്‍ പറ്റിയ സാമാനമാണ് നമ്മടെ ശാസ്ത്രക്കാരന്മാര്‍ വികസിപ്പിച്ചു വെച്ചിരിക്കുന്നത്. 50 കി.മീ ദൂരപരിധിക്കുള്ളില്‍ പണിയാനാണങ്കില് പി.സി. ജോര്ജി്നെ വിട്ടാമതിയായിരുന്നു.. ഇന്നലെ കാലാവസ്ഥ മോശമായത് മൂലം ഇന്നാണ് സംഭവം വിട്ടിരിക്കുന്നത് .. ഒരു യുദ്ധമുണ്ടാകുമ്പോ കാലാവസ്ഥ മോശമായത് കൊണ്ട് ഈ പണ്ടാരം ഇവന്മാര്ക്ക് ചീറ്റിക്കാന്‍ പറ്റാത്ത അവസ്ഥ ഉണ്ടായാല്‍ എന്നാ കോപ്പെടുത്തു യുദ്ധം ചെയ്യുവോ എന്തോ? ആണ്പിള്ളര് വന്ന്‍ അണ്ടന്‍ കീറിയതുതന്നെ..


യു ഡി എഫിലെ പ്രശ്നങ്ങള്‍ ഇതുവരെ തീര്ന്നിട്ടില്ലന്നു സുകുവേട്ടന്‍ മൊഴിഞ്ഞു. രമേശും ചാണ്ടിയും രണ്ടു ധ്രുവത്തിലാണന്നാണു ആദ്യാന്‍ പുതുതായി പ്രസ്ഥാവിച്ചിരിക്കുന്നത്.മമ്മൂട്ടിയുടെ ധ്രുവം സിനിമ കണ്ടതിന് ശേഷമാണ് സാറിന് ഇങ്ങനെ ഒക്കെ തോന്നിത്തുടങ്ങിയതെന്ന് ഒരു കിംവദന്തി പരന്നിട്ടുണ്ട്.. ഈ കണക്കിനു പോയാല്‍ ഹൈ കമാണ്ട് സുകുവേട്ടനെ പിടിച്ച് യു ഡി എഫ്ഫ് കണ്‍വീനര്‍ ആക്കുന്ന കാലം വിദൂരമല്ല..വെള്ളാപ്പള്ളി കെ പി സി സി പ്രസിഡെന്റ് , കാന്തപുരം ജനറല്‍ സെക്രറ്ററി, മാര്‍ ജോര്ജ് അല്ലെഞ്ചേരി യൂത്ത് കോണ്ഗ്രസ് പ്രസിഡെന്റ് പിന്നെ എണ്ണിയാല്‍ ഒടുങ്ങാത്ത മറ്റ് സാമുദായിക നേതാക്കന്മാരെ പല സ്ഥാനങ്ങളില്‍ കൊണ്ടിരുത്തിയാല്‍ സന്തുലിതാവസ്ഥ നടപ്പാക്കാന്‍ ഒരു പ്രയാസവും കാണില്ല.. ആ അസുലഭ സുന്ദര കേരളത്തിനായി നമുക്ക് കാതോര്ക്കാം കൂട്ടരേ..


സി പി എമ്മിന്റെ ഗര്ജിക്കുന്ന സിംകം സുധാകരേട്ടന്‍ ഇന്ന് ഒരു വെടി വഴിപാടു നടത്തി.. താന്‍ സംസ്ഥാന സെക്രറ്റേറിയറ്റിലേക്ക് ഇല്ല..തന്റെ വിരാജ കേന്ത്രമായ ആലപ്പുഴയില്‍ തന്നെ പിടിപ്പതു പണി ഉണ്ടെന്ന് ചൂണ്ടിക്കാട്ടിയാണ് സിംഹം ഈ ലൈഫ് ടൈം ഓഫര്‍ നിരസിച്ചത്. വേറെ ഒരു പണിയും ഇല്ലാതെ ഈച്ചേ ആട്ടിക്കൊണ്ടിരിക്കുന്ന കൊഞ്ഞണന്‍മാരാണ്സംസ്ഥാന സെക്രടറിയേറ്റിലേക്ക് പോകുന്നതെന്ന് അദ്ദേഹം പറയാതെ പറഞ്ഞു വെച്ചു..അദേഹത്തിന്റെ പ്രതികരണം കേട്ടു വിജയന്‍ പിണറായി മുഖം വക്രിച്ചു കാണിച്ചെന്നും, പിന്നീട് രഹസ്യമായി മുറിക്ക് പുറത്തു കൊണ്ടുപോയി ഇഞ്ചി മിട്ടായി വാങ്ങിച്ചു തരാമെന്നും പറഞ്ഞു ആ ലോലഹൃദയനെ വരുതിയില്‍ വരുത്തന്‍ ശ്രമിച്ചെങ്കിലും അണ്ണാന്റെ പ്രതികരണം ഇങ്ങനെ ആരുന്നു..

“ഇല്ല, ചുഥാകാരന്‍ വരില്ല.. ഞാന്‍ പിണക്കാ.. ഇത്രയും നാളായിട്ട് എന്നെ കയറ്റിയില്ലല്ലോ..ഇനി ചുഥാകാരന് ഒന്നും വേണ്ട.. മീ..മീ..ഹീ..ഹീ//..”
ഇത് കേട്ടു വിജയന്‍ പിണറായി ആകെ ചമ്മി പോയി.. ചമ്മിയ പിണറായുടെ ഫോട്ടോ നാളെ മനോരമയില്‍ വരും.. തലക്കെട്ട് ഇങ്ങനെ..

“സുധാകരന്റെ രോക്ഷം കണ്ടു തരിച്ചിരിക്കുന്ന പിണറായി.”

തെറ്റുധാരണ നീങ്ങിയെന്ന് ഉമ്മന്‍ ചാണ്ടിയും ചെന്നിത്തലയും..വികട വാര്ത്തകള്‍

തങ്ങളുടെ ഇടയില്‍ ഉണ്ടായിരുന്ന തെറ്റ് ധാരണ നീങ്ങിയതായി കെ പി സി സി പ്രസിഡെന്റ്ന ചെന്നിത്തലയും മുഖ്യ മന്ത്രി ഉമ്മന്‍ ചാണ്ടിയും ചേര്ന്ന് അറിയിച്ചു..അര മണിക്കൂര്‍ നേരം അടച്ചിട്ട മുറിയില്‍ ഇരുന്നാണ് അവര്‍ തെറ്റുധാരണയെ നീക്കിയത്.. ആദ്യം ചാണ്ടി ഇത് വെറും അരണ മാത്രമാണെന്ന് പറഞ്ഞെങ്കിലും അരണയല്ല, ഇടയില്‍ ഉള്ളത് നല്ല ഒന്നാംതരം തെറ്റുധാരണയാണന്നു രമേശ് കാണിച്ചു കൊടുക്കുകയായിരുന്നു.. ഏതാണ്ട് രണ്ടു രണ്ടര മീറ്റര്‍ നീളമുള്ള തെറ്റുധാരണ ആദ്യം പറിച്ചെടുക്കാന്‍ അല്പം ബുദ്ധിമുട്ടിയെന്നും കെ പി സി സി പ്രസിഡന്റ്് മുഖ്യമന്ത്രിക്ക് മുകളിലാണന്നു മനസ്സിലാക്കികൊടുത്തത്തിന് ശേഷം മാത്രമാണു തെറ്റുധാരണ പുറത്തേക്ക് വന്നതെന്നും തിരോന്ത്തോരത്ത് നടത്തിയ വാര്ത്താ സമ്മേളനത്തില്‍ രമേശ് പ്രസ്താവിച്ചു.. പറിച്ചെടുത്ത തെറ്റുധാരണയെ മാധ്യമപ്രവര്ത്തകര്ക്ക് കാണിച്ചു കൊടുത്ത ഉമ്മന്‍ ചാണ്ടി വരുന്ന നെയ്യാറ്റിങ്കര തീരെഞ്ഞെടുപ്പില്‍ സെല്‍വരാജിന് ജയിക്കാന്‍ ഈ തെറ്റുധാരണ വളരെ ഉപകാരപ്പെടുമെന്നും പറഞ്ഞു..

അതിനടയില്‍ തെറ്റുധാരണ നീങ്ങായതറിഞ്ഞു സുകുമാരന്‍ നായര്‍ ആകെ വിഷണ്ണനാണന്നു ചങ്ങനാശ്ശേരിയില്‍ നിന്നുള്ള റിപ്പോര്ട്ടുകള്‍ സൂചിപ്പിക്കുന്നു.. പുറത്തു വന്ന ധാരണ നായരാണോ ക്രിസ്ത്യാനിയാണോ എന്നതും നായരാണെങ്കില്‍ അതിനെ മന്ത്രി ആക്കുമോ എന്നതും ആദ്ദേഹത്തെ വ്യാകുലപ്പെടുത്തുന്നു എന്നാണ് റിപ്പോര്ടുോകള്‍..


അതിനിടയില്‍ തെറ്റുധാരണയുടെ നീളം എത്ര എന്നതിനെ കുറിച്ചായിരിക്കും തന്റെ ഇന്നത്തെ മൊണ്ണണന്‍ ചോദ്യം എന്നു 'നിങ്ങളെ ഞാന്‍ കോഴീശ്വരന്‍ ആക്കും' പരിപാടിയുടെ അവതാരകന്‍ സുരേഷ് ഗോപിയേട്ടന്‍ പ്രസ്താവനയിലൂടെ അറിയിച്ചു. തന്റെ സിനിമകള്‍ എല്ലാം കോഴീശ്വരന്റെ ബ്രേക് പോലെ 'ഥേ വന്നു .. ഥാ പോയി' എന്ന പോലെയാണങ്കിലും കോഴീശ്വരന്‍ ഒരു നിലയില്‍ എത്തിച്ചെ ആദ്യാന് വിശ്രമം ഉള്ളൂ എന്നാണ് കേട്ടത്.
പുതിയ ഒരു വാര്ത്തയുമായി അടുത്ത തവണ കാണുന്ന വരെ വികട വാര്ത്തകള്‍ വിടവാങ്ങുന്നു.. നന്ദി..നമക്കാരം!!